“Barsa”da undan zo‘r murabbiy bo‘lmagan!

“Barselona”ning tajribali himoyachisi Jerar Pike jarohatini davolatish jarayonida jurnalistlar bilan suhbatlashishga ham vaqt topyapti. Yaqinda u faoliyati davomida duch kelgan eng yaxshi murabbiy kim ekanini aytdi.

- Gvardiola eng zo‘ri. Uning saviyasi va darajasi boshqa. Boshqaruvchilik masalasida Aleks Fergyuson usta edi. Enrike, Valverde, Del Boske ham kuchli mutaxassislar. Men ko‘p murabbiylar bilan ishlab, qator sovrinlarga ega bo‘lganman. Demak, bu borada omadliman, - dedi Pike.

33 yoshli himoyachi faoliyati davomida “Saragosa”, “Manchester Yunayted” va “Barselona” klublarida to‘p tepgan.