"Barsa” ulardan voz kechdi

Kataloniya klubi rahbariyati to‘rt nafar futbolchi xizmatidan voz kechadigan bo‘ldi.

“Barselona” joriy mavsumni ijarada o‘tkazgan himoyachilar – Jan-Kler Todibo va Mussa Vageni ortga qaytarmaydi.

Shuningdek, asosiy tarkib o‘yinchisi hisoblangan Samyuel Umtiti va Usmon Dembele ham boshqa jamoaga sotib yuboriladi. Bu futbolchilarning jarohatga moyilligi kataloniyaliklarni qoniqtirmayapti.

Ayni paytda, “Barselona” bu futbolchilar bo‘yicha takliflarni muhokama qilishga tayyor.