“Барса” супердарвозабонни олтита клубдан тортиб олди

Испаниянинг амалдаги чемпиони “Барселона” янги дарвозабон топди. Каталонияликлар “Эспаньол” посбони Жоан Гарсиянинг агенти билан ҳамкорлик шартларини келишиб бўлди.

Mundo Deportivo нашрининг ёзишича, чемпион жамоа истеъдодли дарвозабонга беш йиллик шартнома берган. Агар бу муддат ичида Гарсия Испания терма жамоасидан таклиф олса, маошига бонус қўшилади.

Айни пайтда Жоан Гарсия агенти мувофиқлаштирган шартномани тасдиқлаб бериши кутилмоқда.

Таъкидлаш жоизки, 24 ёшли голкиперни бир неча клуб нишонга олган эди. Хусусан, “Барселона” уни қўлга киритишжа “Арсенал”, “Ньюкасл Юнайтед”, “Астон Вилла”, “Наполи”, “Интер” ва “Байер” билан рақобатлашди.

Каталонияликлар дарвозабон учун “Эспаньол”га 25 миллион евро миқдорида бадал пули тўлашга розилик берган.

Жоан Гарсия якунланган мавсумда 38 та учрашувда иштирок этиб, саккизта қуруқ ўйин ўтказди. У Ла Лигада энг кўп – 146 та сейвни амалга оширган дарвозабон ҳисобланади.