"Барса" президентлигига номзод Фарре: 25 январда Месси шартнома имзолайди

"Барселона" президентлигига номзод Хорди Фарре жамоа сардори Лионель Мессининг келажаги ҳақида гапириб ўтди. Леонинг "кўк анор-ранглилар" билан амалдаги шартномаси 2021 йил ёзида якунига етади, Фарре эса уни клубда олиб қолмоқчи.

"Мен бу муаммо устида ишлаяпман. Месси клубнинг бир қисми. Унинг имижи "Барса" билан ёнма-ён бўлиши керак.

Лео футбол тарихидаги энг яхши футболчи ва биз уни илҳомлантирувчи лойиҳани таклиф қилишимиз керак. Унга мотивация бера оламиз ва президент бўлган кунимнинг эртасига у билан янги шартнома имзолаймиз.

Месси янги раҳбариятнинг таклифини кутмоқда, унинг орзусини амалга оширишимиз керак. Ҳозир нафақат жамоа, балки клуб ҳам ачинарли ҳолатда. Биз уларга туртки беришимиз зарур.

Ўйлашимча, Месси қолади.  Бизда уни руҳлантириш имконияти бор. Ўзим ҳам уни жамоамизнинг янги таркибида бўлишини хоҳлайман. 24 январь кунги сайловда ғолиб бўлсам, 25 январь куни Лео янги шартнома имзолайди, деб айта оламан".