“Barsa” Messisiz o‘ynashni o‘rganib oldi

“Barselona” jamoani Lionel Messi tark etganidan buyon ilk marotaba Evropa Chempionlar ligasining guruh bosqichidan muvaffaqiyatli o‘tdi.

Kataloniyaliklar guruh o‘yinlarining beshinchi turida “Portu” ustidan 2:1 hisobida zafar quchdi va bu g‘alaba Xavi Ernandes shogirdlarini muddatidan avval pley-offga olib chiqdi.

“Barselona” futbolchilari “Portu”, “Shaxtyor” va “Antverpen” bilan bir guruhdan joy olgan. Ispaniyaning amaldagi chempioni beshta uchrashuvdan to‘rttasida g‘alaba qozongan va bir marta mag‘lub bo‘lgan.

Eslatib o‘tamiz, Lionel Messi jamoani 2021 yili tark etgandi. Shundan beri kataloniyaliklar Chempionlar ligasida guruhda qolib ketayotgan edi.