“Барса” машҳур юлдуз билан шартнома тузди

Испаниянинг амалдаги чемпиони “Барселона” жамоа учун муҳим аҳамиятга эга нидерландиялик плеймейкер Френки де Йонгни ҳамкорликни узайтиришга кўндиришни уддалади.

Каталонияликларнинг расмий сайти 28 ёшли ярим ҳимоячи клуб билан келишувни 2029 йилнинг 30 июнигача узайтиргани ҳақида хабар тарқатди.

Илгари Нидерландиянинг “Аякс” клубида тўп тепган Френки де Йонг 2019 йилдан бери “Барселона” шарафини ҳимоя қилиб келмоқда. Ҳозирга қадар Испания чемпионатида 183 та учрашув ўтказган футболчи рақиблар дарвозасига 14 та гол уриб, жамоадошларига 16 та голли пас узатган.

Ле Йонг каталонияликлар била бирга икки бор Испания чемпиони, мамлакат кубоги ва Суперкубоги соҳиби бўлган.