“Барса” Гвардиолани трансферга кўндирди

“Барселона” раҳбарияти клубда тарбия топган Эрик Гарсияни “Манчестер Сити”дан қайтариб сотиб оладиган бўлди.

Бу трансфер учун каталонияликлар 18 миллион евро харажат қилади. Бошида “Барса” Гарсия учун 8 миллион евро таклиф қилиб, рад жавобини олганди. Қолаверса, бош мураббий Хосеп Гвардиола ҳам испаниялик ҳимоячини қўйиб юборишга рози бўлмаётган эди. 

Янги бош мураббий Рональд Куман ҳимоя тўртлигида Жерар Пике, Клеман Лангле, Рональд Араухо ва 19 ёшли марказий ҳимоячи Эрик Гарсияни ўйнатмоқчи.

Ўз навбатида, “Манчестер Сити” раҳбарияти Эрик Гарсиянинг ўрнига муносиб номзод топганидан кейингина испаниялик футболчини юртига қайтариб юборадиган бўлди.