“Barsa” futbolchilarga yoqmaydigan talabni ilgari surmoqda

“Barselona” xo‘jayinlari moliyaviy inqirozni yumshatish maqsadida yana jamoa etakchilaridan maoshlarining bir qismidan voz kechishni talab qilmoqda.

Ma’lumotlarga qaraganda, klub rahbarlari tajribali futbolchilardan Jerar Pike, Serxio Buskets, Serxi Roberto va Jordi Albaning maoshining kesmoqchi. Bu o‘yinchilarning barchasi klubdan maktub olgan. Klub ulardan maoshining 40 foizidan kechishni so‘ramoqda.

Futbolchilar rahbariyatning o‘zlariga munosabatini tajovuzkor, deb hisoblamoqda.

Kataloniya klubi mutasaddilari o‘tgan mavsumda ham bir necha marta futbolchilarning maoshini kesish orqali murakkab vaziyatdan chiqmoqchi bo‘lgandi.