“Барса” Беллингемнинг аср рекордига сабабчи бўлди

Испания чемпионатининг ўнинчи туридан ўрин олган “эл-класико”да “Реал” футболчилари амалдаги чемпион “Барселона”ни 2:1 ҳисобида мағлубиятга учратди.

Каталонияликлар дарвозасига киритилган иккала тўпда Жуд Беллингемнинг ҳиссаси бўлди. Аввалига Килиан Мбаппени ассист билан таъминлаган англиялик ярим ҳимоячи кейин ғалабани голини киритди.

Шу тариқа, Жуд Беллингем  XXI асрда “Барселона”га қарши учрашувда ҳам гол урган, ҳам ассист қайд этган “Реал”нинг энг ёш футболчиси сифатида янги рекорд ўрнатди.

“Эл-класико” пайтида Жуд Беллингем 22 ёшу 119 кунлик эди.

Opta статистика маркази берган маълумотга кўра, аввалги рекорд мадридликларнинг бразилиялик легионери Винисиус Жуниорга тегишли бўлган. Вини 2023 йили “Барса” дарвозасини ишғол қилиб, голли пас ҳам узатган пайтда 22 ёшу 267 кунлик бўлган. Винисиус бу натижани қайд этганида Беллингемдан 148 кунлик катта эди.