"Барса" "Аякс"дан яна бир футболчи сотиб олмоқчи

"Барселона" жамоаси ёзги трансферлар ойнасида "Аякс" футболчиси Райан Гравенберхни харид қилмоқчи. Ярим ҳимоячи ҳам нидерланд клубини тарк этишга қарши эмас. 

Хабар қилинишича, "Аякс" ўз вакили учун катта пул сўрамоқда. Шунингдек, ёш Райанга "Реал", "Бавария", "Челси" ва "Ливерпуль" каби гранд клублар қизиқиш билдирмоқда. 

Аввалроқ, "кўк-анорранглилар" Амстердам жамоасидан Де Йонг, Дест сингари футболчиларни ўз сафига қўшиб олганди. 

Статистикага кўра, Райан Гравенберх жорий мавсум Нидерландия чемпионатининг 22 ўйинида 1 гол ва 3 ассист қайд этган.