Барибир кетаман, “Ливерпуль”да қадримга етишмади!

Англиянинг янги чемпиони “Ливерпуль” келаси мавсум олдидан таркибини тартибга солиши талаб этилмоқда. Хусусан, “қизиллар” колумбиялик ҳужумкор футболчи Луис Диас масаласини ҳал қилиши керак.

Mundo Deportivo нашрининг ёзишича, Диас клубда ўзига ажратилган ролдан норози бўляпти. У ўзини кўпроқ қадрлашларини талаб қиляпти. Аслида бу ўйинчи болалигидан бери ўйнашни орзу қилаётган “Барселона”га ўтишни мўлжаллаб турибди.

Каталонияликлар ҳам Луисни олишга тайёр.

“Ливерпуль” тез орада “Байер”дан Флориан Вирц трансферини якунлаш арафасида турибди. Экспертларнинг фикрича, агар немис футболчиси Англияга келса, чемпион жамоа катта харажатларнинг бир қисмини қоплаш учун Луис Диасни сотиб юборади.

Ливерпулликлар учун муваффақиятли якунланган мавсумда Луис Диас Англия Премьер-лигаси доирасида 36 та учрашувда қатнашиб, ўз ҳисобага 13 та гол ва бешта ассист ёздириб қўйди.