Barbozaning goli "Flamengo"ni 3 karra Libertadores kubogi sohibiga aylantirdi

Libertadores kubogi final uchrashuvi doirasida Braziliyaning ikki jamoasi "Flamengo" va "Atletiko Paranaense" klublari kurash olib bordi. Unda "Flamengo" kichik 1:0 hisobida raqibdan ustun keldi va 3 karra kubok sohibiga aylandi. 

O‘yindagi yagona gol Gabriel Barboza nomiga qayd etildi. Shuningdek, bellashuvning 43-daqiqasida Pedro Enrike qizil kartochka olib, "Atletiko"ning 1 kishi kam bo‘lib qolishiga sababchi bo‘lib qoldi. 

Ma’lumot o‘rnida, "Flamengo" bundan oldin 1981 va 2019 yillarda Janubiy Amerikaning klublar o‘rtasidagi eng nufuzli musobaqasida zafar quchgandi.