Bahrom Abdurahimov AGMKni tark etdi. Uning yangi klubi "Navbahor"mi?

O‘tgan yili AGMK safida to‘p surgan Bahrom Abdurahimov kutilmaganda jamoasini o‘zgartirishga qaror qildi. To‘g‘ri, u AGMK bilan 2020 yilgi mavsumda bir yillik shartnoma imzolagandi va amaldagi bitim nihoyasiga etgandi.

Shunga qaramay, uning joriy chempionatni ham yana olmaliqliklar safida o‘tkazishi kutilayotgandi. Biroq futbolchi rejasini o‘zgartirdi. U o‘tgan mavsumda Superliga bahslarida 24 ta uchrashuvda maydonga tushib 2 ta gol urgan.

Ma’lum bo‘lishicha, andijonlik yarim himoyachiga “Navbahor”dan jiddiy taklif tushgan. U yangi mavsumni namanganliklar safida o‘tkazadimi yoki boshqa klubdami, buni tez orada bilib olamiz.

Abdurahimov faoliyati davomida shu kunga qadar "Andijon", "Paxtakor", "Nasaf", "Metallurg" va AGMK klublarida to‘p surgan.