"Аякс" "Манчестер Юнайтед"нинг таклифини рад этди

"Аякс" клуби ҳимоячи Лисандро Мартинесни сотишни истамаяпти. Унга "Манчестер Юнайтед" жамоаси жиддий қизиқиш билдираётган эди. 

Таниқли журналист Фабрицио Романонинг сўзларига кўра, "қизил иблислар" Нидерландия чемпионларига 50 миллион евро таклиф қилган. Бироқ Амстердам клубига бу таклиф маъқул келмаган.

Мартинеснинг трансферини "Манчестер Юнайтед"нинг янги бош мураббийи Эрик тен Хаг раҳбариятдан талаб қилмоқда. У аввал айнан "Аякс"да бош мураббийлик лавозимида ишлаган.