"Atletiko" jiddiy yo‘qotishga uchradi

"Atletiko"ning angliyalik himoyachisi Kiran Tripper jarohat olib safdan chiqdi. Bu haqda klub matbuot xizmati xabar tarqatmoqda.

Angliyalik futbolchi La Liganing 13-turidan o‘rin olgan "Valensiya"ga (3:3) qarshi bahsda jarohat olgan va tanaffus paytida zaxiraga olingan. Tripper elkasidan shikastlangan. Uning qachon safga qaytishi noma’lum.

31 yoshli Tripper joriy mavsum "Atletiko" safida jami 15 ta o‘yinda maydonga tushdi. Uning “matraschilar” bilan tuzgan amaldagi shartnomasi 2023 yilning yozida o‘z nihoyasiga etadi.