"Атлетико" ҳужумчиси Мессини қандай тўхтатиш мумкинлигини айтди

"Атлетико" Мадрид клуби ҳужумчиси Анхель Корреа эртага Испания Суперкубоги ярим финалидан ўрин олган "Барселона"га қарши баҳс олдидан каталонияликлар етакчиси ҳисобланган Лионел Мессини қандай тўхтатиш мумкинлиги борасида гапириб ўтди.

“Мессини қандай тўхтатиш мумкинлиги ҳақидаги саволни у фаолиятини бошлагандан буён беришади. Бунга жавоб йўқ. “Барселона” устидан ғалаба қозониш учун бутун жамоа 90 дақиқа давомида бор кучи билан ҳаракат қилиши керак. Месси барча нарсани тушинадиган футболчи. Яна унга қарши майдонга тушиш ажойиб бўлар эди. Умид қиламанки бу сафар биз ғалаба қозона оламиз”, - дейди аргентиналик футболчи.

Эслатиб ўтамиз, “Барселона” – “Атлетико” учрашуви эртага Тошкент вақти билан соат 00:00 да бошланади.