"Atletiko" futbolchisi mavsumni Bundesligada o‘tkazadi

"Bayer" o‘zining rasmiy saytida "Atletiko" himoyachisi Santyago Ariasni tarkibga qo‘shib olganini e’lon qildi.

Unga ko‘ra, “dorishunoslar” 28 yoshli futbolchini keyinchalik sotib olish huquqi bilan mavsum oxirigacha ijaraga olgan. Santyago leverkuzenliklar safida 2-raqamda to‘p suradi.

Arias 2018 yildan buyon “Atletiko” futbolchisi hisoblanadi. U o‘tgan davr mobaynida “matraschilar” safida 51 ta o‘yinda maydonga tushdi va o‘z hisobiga 1 ta gol hamda 3 ta golli uzatma yozdirib qo‘ydi. Uning ayni damdagi transfer narxi esa 12 mln evroga baholanmoqda.