"Atalanta" yana Lukman bo‘yicha tushgan taklifni rad etdi

Avvalroq xabar qilinganidek, "Inter" 27 yoshli hujumchi uchun 42 million evro va 3 million bonus taklif etgan.

Jurnalist Alfredo Pedullaning ma’lum qilishicha, bergamoliklar bu shartlarga rozi bo‘lmadi. Ular futbolchi uchun 50 million evro talab qilmoqda — shundan 45 million evro darhol to‘lanishi, qolgan 5 millioni esa bonus sifatida bo‘lishi kerak.

O‘tgan mavsumda Lukman A Seriyada 31 o‘yinda 15 ta gol urgan va chempionatdagi to‘purarlar ro‘yxatida 3-o‘rinni egallagan edi.