“Arsenal” qiyin vaziyatda qoldi

“Arsenal” bosh murabbiyi Mikel Arteta jamoa posboni Bernd Lenoning jarohat olib, uzoq muddatga safdan chiqqanidan xavotirga tushdi.

Ispaniyalik mutaxassis germaniyalik darvozabon o‘rniga zudlik bilan Jo Xartni olib kelmoqchi. O‘z vaqtida Angliya terma jamoasining asosiy golkiperi bo‘lgan 33 yoshli Jo Xart 30 iyun kuni erkin agentga aylanadi va hozirgi klubi “Byornli”ni tark etadi.

“Arsenal” yangi darvozabon olish bo‘yicha yakuniy qarorni tibbiyot xizmatining Leno jarohati bo‘yicha xulosasidan keyin chiqaradi.