"Арсенал" нега Родригодан воз кечгани ойдинлашди!

Лондоннинг "Арсенал" клуби "Реал" футболчиси Родриго билан шартнома имзоламасликка қарор қилди.

Бразилиялик вингер ёзги трансфер ойнасида "канонирлар"нинг асосий нишонларидан бири бўлиб келаётган эди. Бироқ, "Madrid Zone" нашрига кўра, "Арсенал" футболчининг маош борасидаги талаблари ҳаддан ташқари юқори деб ҳисобламоқда.

Клуб раҳбарияти Родригонинг вакилларига бу молиявий шартларни қондириш нияти йўқлигини аниқ билдирган.

Трансфер борасидаги миш-мишлар, асосан, Родригонинг "Реал"да доимий ўйин амалиётига эга эмаслигидан норозилиги фонида юзага келганди.

Transfermarkt портали эса футболчининг қийматини 90 миллион евро деб баҳоламоқда.