Arrigo Sakki: “Inter” qaysarlik va iroda bilan “Barselona”ni engdi — bu haqiqiy futbol edi

Mashhur mutaxassis Arrigo Sakki Chempionlar ligasi yarim finalida “Inter”ning “Barselona” ustidan qozongan dramatik g‘alabasini yuqori baholadi.

“Bu haqiqiy futbol edi — go‘zal, juda keskin va qattiq o‘yin. Birinchi o‘yin kabi juda yuqori darajada o‘tdi”, – dedi Sakki "La Gazzetta dello Sport" nashriga.

Uning so‘zlariga ko‘ra, “nerazurrilar” birinchi taymda raqibning xatolaridan unumli foydalanib, jiddiy ustunlikni qo‘lga kiritdi. Ammo keyin “Barselona”ning bosimi ostida charchoq sezila boshladi va kambekga ishonmaslik mumkin edi.

“Rostini aytsam, ular juda charchagan ko‘rindi. Harakatlana olishmayotgandi, kuch qolmaganday tuyuldi. Lekin Lamin Yamalning shtangaga urilishi so‘nggi burilish nuqtasi bo‘ldi. Ana shunda Acherbining vaqtinchalik emas, balki haqiqiy g‘alaba goli keldi. Bu hujumda bari – asab va xarakter edi.”

Sakkining ta’kidlashicha, aynan mana shunday og‘ir paytlarda italyan jamoalari o‘zlarini ko‘rsata oladi:

“Biz, italiyaliklar, qiyin vaziyatlarda kurashni bilamiz. “Inter” buning ajoyib namunasini ko‘rsatdi — taslim bo‘lmadi, bir santimetr ham bo‘sh joy qoldirmadi. Acherbining goli – bu jamoaviy irodaning mukofoti edi.”

“Natija adolatlimi? – Ha. “Inter” ikkala o‘yinda ham yuqori darajada o‘ynadi. Ular Evropaning eng kuchli jamoalari qatorida ekanini namoyish etishdi.”