Arman Tsarukyan: “Iliya Topuriya tez orada kamaridan voz kechadi"

Rossiyalik MMA jangchisi Arman Tsarukyan UFC ning engil vazn chempioni Iliya Topuriya haqida gapirdi.

“Mening vazifam – UFC kimni qo‘ysa, o‘sha bilan jang qilish. Kamarga qadar hamma bilan to‘qnash kelishga roziman. Fikrimcha, Iliya Topuriya tez orada kamaridan voz kechadi. U faqat katta pul va katta janglarni xohlamoqda. Masalan, boksga o‘tib, Krouford bilan bahs istayapti. Shuning uchun bir marta kamarini himoya qilib, keyin uni topshiradi”, — dedi Arman “Match TV” ga bergan intervyusida. 

Avvalroq, Tsarukyan Islom Maxachev bilan jang katta ehtimol bilan bo‘lmasligini aytib o‘tgan edi.