АПЛ жорий мавсумида рекорд даражада истеъфо рўй берди

Кеча Англияда бирданига икки мураббий истеъфога чиқарилди. Дастлаб, "Лестер" бош мураббийи Брендан Рожерс ишдан олинган бўлса, сўнгра "Челси" Грэм Поттер билан хайрлашди.

Лондонликлар мураббийининг ишдан олиниши жорий мавсум АПЛдаги 13-истеъфо бўлди. Бу АПЛ тарихидаги рекорд рақамлар ҳисобланади.

Аввал Англияда кўпи билан 10 та мураббий ишдан бўшатилган. Бу ҳодиса 2013/14, 2017/18 ва 2021/22 йилги мавсумларга тўғри келган.