Антонио Конте "Лечче" устидан қозонилган ғалабани баҳолади

"Наполи" бош мураббийи Антонио Конте А Сериянинг меҳмон сифатида ўтказилган "Лечче"га қарши ўйинидаги (1:0) ғалабадан кейин фикр билдирди.

"Бундай ўйинлар ҳеч қачон осон кечмайди, айниқса "Интер"га қарши 3:1 ҳисоби билан якунланган ўйиндан кейин. У ерда жуда кўп жисмоний ва маънавий куч сарфладик. Бугун эса яхши жамоага қарши ўйнадик, бу ерда — Леччеда — доимо қийин бўлади. Шу жиҳатдан яхши ўйнадик, аммо ҳужумнинг сўнгги қисмида яхшироқ ҳаракат қилишимиз мумкин эди.

Биз хавфга бормадик, аммо айнан шу ерда, майдонда, ақл билан ўйнаш керак. Кучли жамоада биринчи навбатда ақл, сўнгра қалб ва оёқлар туради. Шунинг учун ўйин давомида ҳамма нарса жойида бўлиши учун ҳаракат қиламан", — деди "Наполи" бош мураббийи Антонио Конте.