Англия кубоги финали олдидан Ҳусанов мухлисларига хушхабар!

17 май куни “Манчестер Сити” футболчилари Англия кубоги финалида “Кристал Пэлас” билан куч синашади. Учрашувга Лондондаги машҳур “Уэмбли” стадиони мезбонлик қилади.

Жорий йилнинг 20 январида Абдуқодир Ҳусанов “Манчестер Сити”га ўтганидан бери ўзбекистонлик футбол ишқибозлари Хосеп Гвардиола жамоасига мухлислик қила бошлади. 21 ёшли легионеримиз учун ҳам Англиядаги фаолият жуда муваффақиятли бошланди.

Англия Премьер-лигаси, мамлакат кубоги ва Европа Чемпионлар лигасида жами тўққизта учрашув ўтказган ҳамюртимиз февраль ойида “Манчестер Сити”нинг энг яхши ўйинчиси, деб эътироф этилди.

Бироқ Хосеп Гвардиола муайян сабабларга кўра, Ҳусановни охирги бир ярим ойда умуман майдонга туширгани йўқ. Айниқса, Премьер-лиганинг охирги икки ўйинида учрашув қайдномасига ҳам киритилмагани Абдуқодирнинг мухлисларини анча хавотирга солиб қўйди.

“Манчестер Сити” фаолиятини ёритиб келаётган cityxtra.co.uk портали Англия кубоги финалига бағишланган мақолада ўзбекистонлик ишқибозларга ёқадиган маълумотларни ҳам берди. Унга кўра, мураббийлар штаби Абдуқодирни ҳам ўйин бўладиган Лондон шаҳрига олиб келди.

Sports.uz портали ушбу мақолани ўзбекистонлик  мухлислари эътиборига ҳавола қилади.

- “Манчестер Сити”нинг Англия кубоги финалида “Кристал Пэлас” билан бўладиган ўйинга жалб этилган 28 футболчидан иборат тўлиқ таркиби маълум бўлди.

“Шаҳарликлар” қаторисига учинчи бор мамлакат миқёсидаги энг нуфузли кубок мусобақаси финалида иштирок этади. Бу мусобақа Европа футболида ҳам юқори мавқега эга.

“Сити” футболчилари охирги уч йилда иккинчи бор Англия кубогини қўлга киритишга ҳаракат қилади. Бу жамоа 2023 йили тарихий требл қайд этганида ушбу совринга эга чиққан эди. Ўшанда Илкай Гюндоған “Уэмбли” тарихидаги энг тезкор голни урган ва “шаҳарликлар” айнан унинг икки голи эвазига “Манчестер Юнайтед”ни 2:1 ҳислобида мағлубиятга учратганди.

Ўтган йилги финалда ҳам Манчестернинг икки клуби яна ўзаро тўқнаш келди ва бунисида “Юнайтед” 2:1 ҳисобида зафар қучди.

Жорий мавсум жамоанинг жисмоний тайёргарлигидаги муаммоалар ва жароҳатларнинг кўплиги туфайли анча қийин ўтди. Бироқ охирига келиб, туннелнинг нариги томонида ёруғлик кўрина бошлади. “Манчестер Сити” мавсумни ҳеч бўлмаганда Англия кубоги билан якунлаш имконига эга.

Ҳал қилувчи паллада жароҳат туфайли узоқ даволанган ўйинчилар сафга қайтгани қувонарли ҳол бўлди. Охирги пайта Родри ва Оскар Бобб майдондаги машғулотларда фаол ишлаяпти, Натан Аке ҳам операциядан кейин машғулотларни бошлаб юборган.

Шу тариқа, Пеп Гвардиола Лондонга 28 нафар футболчисини олиб келди. “Уэмбли”даги ўйинда иштирок этиш учун улардан 20 тасини қайдномага киритиш мумкин.

Лондон келган футболчилар рўйхати қуйидагича кўриниш олди.

Дарвозабонлар:

Эдерсон, Стефан Ортега Морено, Скотт Карсон.

Ҳимоячилар:

Рубен Диас, Мануэль Аканжи, Жон Стоунз, Йошко Гвардиол, Натан Аке, Рико Льюис, Нико О’Рейли, Абдуқодир Ҳусанов, Витор Рейс, Матеус Нуньес.

Ярим ҳимоячилар:

Нико Гонсалес, Родри, Матео Ковачич, Илкай Гюндоған, Кевин Де Брюйне, Бернарду Силва, Клаудио Эчеверри, Жеймс МакЭти, Фил Фоден.

Ҳужумчилар:

Оскар Бобб, Савиньо, Умар Мармуш, Эрлинг Холанд, Жек Грилиш, Жереми Доку.

Лондонга жамоа билан келган айрим футболчилар ўйинда қатнаша олмаслиги ҳозирдан маълум. Жон Стоунзга учрашувда бирор роль берилмайди, у фақат жамоанинг умумий таркибида шерикларини қўллаб-қувватлаб туради.

Худди шу гапни Клаудио Эчеверрига нисбатан ҳам ишлатиш мумкин. Хосеп Гвардиола бу учрашув учун эндигина жароҳатидан фориғ бўлган Родрини ҳам хавф остига қўймайди.

Яна бир муҳим жиҳат, Кевин де Брюйне “Манчестер Сити”даги ўн йиллик фаолиятида “Уэмбли”даги сўнгги учрашувини ўтказади. “Шаҳарликлар” машҳур юлдузни Англия кубогини тақдим этган ҳолда кузатиб қўйиш имконига эга, - деб ёзмоқда cityxtra.co.uk портали журналисти Фредди Пай.

Таъкидлаш жоизки, Абдуқодир Ҳусанов жамоасининг машғулотларида фаол иштирок этмоқда ва бўлажак учрашувга ҳар томонлама тайёр. Энди бор гап Хосеп Гвардиолада қолди. Испаниялик мутахассис легионеримизни “Кристал Пэлас” билан бўладиган баҳс қайдномасига киритиши ва унга Англия кубоги финалида ўйнаш имконини беришига умид қилиб қоламиз!

Бу юлдуз келса, Ҳусановга “Сити”да аниқ “нон” қолмайди!

Файзуллаев энг зўр ўйинини Суперфиналда кўрсатади!

Ҳусановни яна қозоқ футболчисини билан солиштиришди. Бу гал хулоса бошқача бўлди!

Ҳусанов жамоасидан “ёндирадиган” хабар!

Ўзбек легионерига қўполлик қилган футболчи уч ўйинга ҳайдалди

Раньери ва Шомуродов А Серияни даҳшатга солмоқда

Шомуродов “Рома”нинг “топ-5”даги тарихий рекордини таъминлаб берди!

Ҳусанов жамоасига яхши хабарлар кела бошлади!