"Andijon" O‘zbekiston chempionati tarixida nechanchi o‘yinida maydonga tushishini bilasizmi?

Bugun barcha futbol ishqibozlarining nigohi Farg‘onadagi “Istiqlol” stadioniga qaratiladi. “Andijon” Superliganing 7-turida “Neftchi”ga qarshi maydonga tushadi. Bu safargi vodiy derbisidagi bellashuv o‘zgacha ahamiyat kasb etadi.

Gap shundaki, “Andijon” klubi O‘zbekiston chempionatlari tarixida bugun o‘zining yubiley 800-o‘yinida maydonga tushadi. Bungacha “Burgutlar”ning hisobida umumiy ko‘rinishda 799 ta o‘yin mavjud. Albatta, barchasi O‘zbekiston chempionatidagi ishtirok bilan bog‘liq.  Endi andijonliklar 800-lik dovonni ham zabt etish arafasida turibdilar.