Анчелотти зўр мураббий экан...

“Реал” ўз тарихида 36-чемпионликка эришди. Чемпионат якунланишига тўрт тур қолганида “Қироллик клуби” футболчилари таъқибчилари етолмайдиган даражада илгарилаб кетди.

Жамоани муваффақиятли бошқариб келаётган Карло Анчелотти бош мураббий сифатида 28-унвонинига сазовор бўлди.

Қизиғи шундаки, италиялик мутахассис совринларининг деярли тенг ярми, яъни 12 тасини “Реал” бош мураббийи сифатида қўлга киритган.

Бундан ташқари, Карло Анчелотти бош мураббий сифатида “Ювентус”, “Милан”, “Челси”, ПСЖ ва “Бавария” билан миллий чемпионат ва халқаро миқёсдаги мусобақаларда бош соврин соҳиби бўлган.