Анчелотти учун АПЛнинг яна бир клуби курашга қўшилди

Бугун "Наполи"дан истеъфога чиқарилган Карло Анчелотти яна АПЛга қайтиши мумкин.

Sky Sports нашри тарқатган хабарга кўра италиялик мутахассис учун "Эвертон" ҳам даъвогарлик қилмоқда. Айтиш керакки, мерсисайдликлар 5 декабрь куни Марку Силвани бош мураббий лавозимидан озод этишган эди.

Бундан аввалроқ эса Анчелоттининг хизматларига Эмерини ишдан бўшатган "Арсенал" ҳам қизиқиш билдираётгани ҳақида хабарлар тарқалган эди.