Анчелотти келажаги бўйича бир қарорга келди

“Реал” бош мураббийи Карло Анчелотти Испания кубоги финалида "Барселона"дан учралган мағлубиятдан кейин клубдаги келажаги бўйича бир қарорга келди.

The Athletic нашрининг ёзишича, италиялик мутахассис Мадридни тарк этиб, Бразилия терма жамоасини бошқаришни маъқул топган.

65 ёшли мутахассис “Реал” раҳбариятига ўз режасини айтди. Унинг амалдаги шартномаси 2026 йилнинг 30 июнигача тузилган.

Сўнгги маълумотларга қараганда, Анчелотти 15 июнда бошланадиган клублар ўртасидаги жаҳон чемпионатида иштирок этмайди. Айни пайтда ҳамкорликни тўхтатиш бўйича томонлар музокара олиб боряпти.