Ана холос! “Сити” ўйинчиси 15 та клубдан таклиф олди

“Манчестер Сити” ярим ҳимоячиси Кэлвин Филлипснинг бозори қайнай бошлади. Таниқли журналист Ҳарри  Винтерснинг таъкидлашича, “шаҳарликлар”га бу футболчи бўйича таклиф туша бошлади.

Ҳозир Европанинг 15 та жамоаси Филлипсни ўз сафига қўшиб олмоқчи. Уларнинг аксарияти  “Сити”га ўз таклифини йўллаб бўлган.

Харидорлар орасида “Бавария”нинг имконияти юқори баҳоланмоқда. Мюнхенликлар бош мураббийи Томас Тухель англиялик ўйинчини ўз жамоасида кўрмоқчи.

Кэлвин бир йил муқаддам 50 миллион евро эвазига “Лидс”дан “Сити”га  кўчиб ўтган эди. Футболчининг ўзи клубда қолиб, асосий таркибга кириш учун курашишни истаяпти.