Ana xolos: “Real” hakamlarni sotib olishda ayblandi

Ispaniya milliy politsiyasining sobiq komissari Xose Manuel Vilyarexo “Real” hakamlarni sotib olish amaliyotini “Barselona”dan ancha oldin boshlaganligini ta’kidladi.

- “Real” tomonidan hakamlarni sotib olish “Negreyra ishi”dan oldin boshlangan. O‘sha paytda Florentino Peresni ayblash o‘zini o‘zi o‘ldirish bilan barobar edi.

Florentino Peres bilan aloqadar sud ishlarini olib borishning imkoni yo‘q, u tegib bo‘lmaydigan shaxs, - dedi Xose Manuel Vilyarexo “Rac1” radiostantsiyasiga bergan intervyusida.

Ma’lumki, “Negreyra ishi” 2023 yilning martidan beri devom etmoqda. Unda “Barselona” rahbariyati Ispaniya Qirolligi futbol federatsiyasi Hakamlar qo‘mitasi vitse-prezidenti Xose Mariya Negreyraga 2001-2018 yillar davomida maxfiy tarzda pul o‘tkazib kelgani aytiladi.

Ushbu noqonuniy ish bo‘yicha Negreyradan tashqari uning o‘g‘li Xaver, “Barselona”ning sobiq prezidentlari Sandro Rassel va Xosep Bartomeuga ham ayblov e’lon qilingan.