Ана холос! "Олимпик" чемпионатдан четлаштирилиши мумкин

U19 чемпионатининг 18-туридан ўрин олган “Бухоро U19” — “Олимпик U19” учрашуви меҳмонларнинг ўйинга келмагани сабабли ўтказилмади ва айбдор томонга техник мағлубият ёзилди. “Олимпик” футбол клуби мазкур ҳолатни чипта муаммоси билан изоҳлади.

Регламентдан келиб чиқиб, бундай ҳолат “Олимпик” футбол клуби билан қайта кузатилса, жамоани чемпионатдан четлаштириш масаласи кун тартибига қўйилади.

Айни пайтда тошкентликлар 17 ўйин ўтказиб, турнир жадвалининг 15-поғонасини банд этган.

ЎзПФЛ матбуот хизмати