"Ан-Наср" Роналдуга ноодатий футболкани топширди (Фото)

"Ан-Наср" Роналдуга 900 рақами ва GOAT ёзуви туширилган футболкани топширди.



"Ан-Наср" жамоаси Криштиану Роналдуга унинг фаолиятидаги 900-голи шарафига футболка совға қилди.
Саудия Арабистони чемпионатининг "Ал-Аҳли" жамоасига қарши ўйинидан олдин 39 ёшли португалиялик футболчига 900 рақами ва GOAT (Greatest of all time - "барча замонларнинг энг буюги") ёзуви туширилган футболка тақдим этилди.

Эслатиб ўтамиз, Роналдунинг 900-голи Миллатлар лигаси гуруҳ босқичининг 1-турида Хорватия дарвозасига киритилган тўп бўлди. Миллий терма жамоа сафида Криштиану 131 та гол урган. Клублар таркибида эса у рақиблар дарвозасини 769 марта ишғол этган.