Аморим: "Бу ўйин энди ўтмишда қолди"

Европа Лигаси ярим финал босқичининг илк учрашувида "Манчестер Юнайтед" "Атлетик"ни 3:0 ҳисобида мағлуб этди. Мазкур учрашувда ҳужумчи Расмус Хойлунд жамоаси учун муҳим ўйин ўтказди. Учрашувдан сўнг МЮ бош мураббийи Рубен Аморим шогирдининг ҳаракатларини юқори баҳолади:

"Менимча, у мен бош мураббий бўлганимдан бери энг яхши ўйинини намойиш этди. У жамоага жуда катта ёрдам берди – тўп учун курашди, чиқишлар қилди, тўғри қарорлар қабул қилди.

Бу унинг учун яхши палла. Худди шунингдек, Харри Магуайр учун ҳам. У тушуниши керакки, ҳаммаси ўзгариши мумкин.

Шунинг учун олдинга қараб, навбатдаги ўйинга тайёргарлик кўриш керак. Бу ўйин эса энди ўтмишда қолди" – деди португалиялик мутахассис.