Alonso "Real" yarim himoyachisi jamoadan ketmasligini aytdi

Madridning "Real" klubi bosh murabbiyi Xabi Alonso jamoa yarim himoyachisi Dani Sebalosning kelajagi haqida ma’lumot berdi.

"Men u bilan o‘tgan hafta gaplashdim. Oxir-oqibat u shu erda qoladi. Tafsilotlarni sizga uning o‘zi aytib beradi, men emas", - dedi Alonso jurnalistlarga.

Avvalroq, 29 yoshli ispaniyalik futbolchiga Frantsiyaning "Marsel" klubi qiziqish bildirayotgani haqida xabarlar tarqalgan edi.

Sebalos bu mavsum Ispaniya chempionatida 2 ta o‘yinda maydonga tushdi va gol yoki assist qayd etmadi.

Yarim himoyachining "Real" bilan shartnomasi 2027 yilning iyunigacha mo‘ljallangan. Transfermarkt portali ma’lumotlariga ko‘ra, futbolchining bozor narxi o‘n million evroni tashkil etadi.