"Al-Hilol" "Benfika" huxumchisini tarkibiga qo‘shib olmoqchi

Saudiyaning "Al-Hilol" klubi portugaliyaning "Benfika" jamoasiga markaziy hujumchi Markos Leonardoning transferi bo‘yicha taklif yubordi. Bu haqda insayder Fabritsio Romano xabar berdi.

Manbaga ko‘ra, "Benfika" 21 yoshli forvard uchun 40 million evrolik taklif olgan. Tomonlar muzokaralarni davom ettirmoqda. Portugaliya klubi yakuniy qaror qabul qilishdan oldin o‘ylab ko‘rish uchun biroz vaqt oldi.

Ma’lumot uchun, Markos Leonardo joriy mavsumda Portugaliya oliy divizionida klub safida uchta o‘yin o‘tkazib, bitta gol urdi. Futbolchining klub bilan amaldagi shartnomasi 2029 yilning yoziga qadar mo‘ljallangan. Transfermarkt portalida berilgan ma’lumotlarga ko‘ra, futbolchining bozor narxi 25 million evroni tashkil qiladi.