AGMK himoyachisi jamoaning yubiley 500-gol muallifi

AGMK O‘zbekiston milliy chempionati tarixida 364 o‘yin o‘tkazib, 132 g‘alaba, 155 mag‘lubiyat va 77 durang qayd etgan.

Klub matbuot xizmatining xabar berishicha, jamoaning chempionat doirasidagi urgan gollari soni 503taga etgan. Olmaliqliklarning O‘zbekiston milliy chempionati doirasidagi tarixiy va yubiley 500-goli Superliganing 24-turida "Andijon"ga qarshi bahsda urildi. O‘sha bellashuvda jamoaning to‘rtinchi va chempionat tarixidagi 500-golini kiritgan Bobur Yo‘ldoshev o‘z nomini tarixga muhrlab qo‘ydi.