Агар Дмитрий Бивол Дэвид Бенавидес билан жанг қилса, супер миқдорда гонорар олади!

Жаҳон бокс кенгаши (WBC) президенти Маурисио Сулаймон ярим оғир вазн тоифасида мутлақ жаҳон чемпиони Дмитрий Бивол америкалик Дэвид Бенавидес билан жанг учун жуда катта гонорар олиши мумкинлигини айтди.

"Бивол Артур Бетербиев билан реваншда 2,7 миллион доллар ишлаб олди. Ҳозир эса унга Бенавидес билан жанг учун саккиз миллион доллар таклиф қилишмоқда. Демак, бу ҳам Дмитрий учун ажойиб имконият. Умид қиламанки, Бивол ва Бенавидес ўртасидаги тўқнашув тез орада бўлиб ўтади" - дея Сулаймоннинг сўзларини келтирди "Boxing Voice".

Маълумот учун, WBC ташкилоти Биволга Бенавидесга қарши чемпионлик ҳимоясини ўтказишни буюрганига қарамай, россиялик боксчининг жамоаси Артур Бетербиев билан трилогия ташкил этишни талаб қилмоқда.