Адвокат Шотландия терма жамоасини бошқариши мумкин

Шотландия футбол федерацияси голландиялик машҳур мутахассис Дик Адвокат билан музокаралар ўтказмоқда. Бу ҳақда The Scottish Sun нашри хабар тарқатди.

Юқоридаги манбаага кўра 71 ёшли мутахассис Шотландия терма жамоаси бош мураббийлигига асосий номзодлардан бири ҳисобланади. Маълумотларга қараганда, Адвокатнинг ўзи шотландияликларга ўз хизматларини таклиф қилган. Таъкидлаш лозимки, у ҳозирда “Утрехт” клуби бош мураббийи ҳисобланади ва унинг ушбу клуб билан шартномаси бор.

Эслатиб ўтамиз, Адвокат мураббийлик фаолиятининг асосий қисмини терма жамоаларда ўтказган. У ўз вақтида Голландия, БАА, Жанубий Корея, Бельгия, Россия ва Сербия терма жамоаларига устозлик қилган.