"Adu-Dhabi Chess Festival". Ўз тарихидаги энг кўп иштирокчи қатнашган мусобақада ўзбекистонлик шахматчилар қандай натижалар қайд этди?
Хабарингиз бор, 15-26 август кунлари Бирлашган Араб Амирликлари пойтахти Абу-Дабида шахмат бўйича "31- Abu Dhabi International Chess Festival" мусобақаси бўлиб ўтди.
Турнир швейцарча тизимда 9 раунддан иборат бўлиб, иштирокчиларга 90 дақиқа ва биринчи юришдан бошлаб, 30 сониядан вақт назорати белгиланди. Ташкилий қўмита ўйинчиларни беш юлдузли меҳмонхонада бепул жойлаштиришни таъминлади. Турнир "Masters", Online Masters", "Open A", "Open B", "Ladies Blitz U16", "Academy Seniors 50+", "Family Teams", "Community teams Corporate" каби бўлимларга бўлинган шаклда ўтказилди.
Мусобақанинг умумий соврин жағармаси 500,000 дирҳамни ни ташкил қилди ва унда 82 мамлакатдан 3000 дан ортиқ ўйинчи қатнашди. Аввалги биринчиликда 2,500 дан ортиқ шахматчи қатнашганди.
Эътиборли томонларидан бири ушбу турнирда 5 ёшли шахматчи қизимиз Абдулазизова Аслия ўзининг дебютини нишонлади. У мазкур баҳсда амирликлар вакили ҳисобланган Фотима Саидга имкониятни бой бериб қўйди. Таъкидлаш керак Аслиянинг рақиби ундан 2 ёш катта эди. У баҳсдан аввалроқ барча қоидалар билан танишиб чиқди.
Абдулализов Асилбек эса "Open Blitz" 146,8 пункт қўшди ва академиялар ўртасида 57-ўринда якунлади. Тоҳиржонов Усмонхон эса блицда 112 пункт қўшиб, турнирни 144-ўринда тугатиб қўйди.
Абдулазизов Асилбек стандартда 90 рейтинг йиғган бўлса, блицда 146 пунктни ўзиники қилди. Опа-сингиллар Асмина ва Асмира Абдулазизовалар блицда рейтинг кўлга киритишди.
Мактаб ўқувчилар ўратсида ўтказилган блиц турнирида эса Мумтозбегим Мансурова мағлубиятсиз тарзда 1-ўринни эгаллади.
Ўзбекистон терма жамоаси аъзоси Гулруҳбегим Тоҳиржонова эса блицнинг 9 турида 7.5 очко жамғарди ва 2-ўринни қўлга киритди.
Қуйидаги линк орқали тўлиқ мусобақа натижалари билан танишингиз мумкин.
Фикрлар