Абдумалик Ҳалаков Осиё ўйинлари чемпиони!

Ханчжоуда давом этаётган Осиё ўйинларининг бокс баҳслари финалига йўл олган яна бир ҳамюртимиз Абдумалик Ҳалаков иштирокидаги жанг ҳам ўз якунига етди. -57 кг вазн тоифасида финал остонасига қадар барча рақибларини катта устунликда мағлуб этиб келган юртдошимиз, ҳал қилувчи жангда япониялик Шудаи Харадага қарши ринга кўтарилди.

Кўтаринки кайфиятда жангни бошлаган юртдошимиз рақибидан бир бош устун эканлигини яна бир бор намойиш этди. Жанг иккинчи раундда ўз якунига етди. Ҳамюртимиз рақибини 1-раундда 3 марта нокдаун ҳолатига тушурган бўлса, 2-раундда икки марта шундай ҳолатга туширди ва якунда япон боксчисининг мураббийлари оқ сочиқ ташлади. Шу тариқа юртдошимиз Осиё ўйинлари ғолибига айланди. Бизда яна бир олтин дўстлар!

Олдинда Баҳодир Жалоловнинг жанги кутиб турибди.