“Ювентус” Пьянични трансферга қўйиши мумкин

Туриннинг “Ювентус” клуби ўзининг етакчи ярим ҳимоячиларидан бири ҳисобланган Миралем Пьянични сотувга қўйиши мумкин. Бу ҳақда италиялик машҳур журналист Жанлуки Ди Марцио хабар тарқатмоқда.

Унга кўра “кекса синьора” дастлаб 28 ёшли босниялик футболчи билан амалдаги шартномани узайтиришни хоҳлаган, бироқ, Пьяничнинг молиявий талаблари “Ювентус” раҳбариятига ёқмаган. Шу боис футболчи янги мавсумни бошқа жамоа сафида бошлаши мумкин.

Эслатиб ўтамиз, бундан аввалроқ Пьяничга “Барселона” ҳамда “Реал” каби гранд клублар жиддий қизиқиш билдиришаётгани ҳақида хабарлар тарқалган эди.