Yosh atletlarimiz o‘zaro bahslashdi

Poytaxtimizda engil atletika bo‘yicha respublika ochiq musobaqasi o‘tkazildi.

So‘nggi yillarda mamlakatimizda Olimpiya o‘yinlari dasturidan joy olgan engil atletika yoshlar o‘rtasida jadal ommalashmoqda. Buning samarasida mazkur sport turi bilan shug‘ullanuvchilar safi kengayib, nufuzli musobaqalarda mamlakatimiz sharafini yanada yuksaltirmoqdalar.

Sportchilarimizning nufuzli musobaqalarda qo‘lga kiritayotgan yutuqlarini, bugun dunyo tan olayotir. Jumladan, 9 dekabr kuni Ukrainada «Oltin Mangust» xalqaro assotsiatsiya kengashi hamyurtimiz Nadiya Dusanovaga jismoniy tarbiya va sportni yanada ommalashtirishga qo‘shgan hissasi uchun order bilan taqdirladi.

Uning bunday mukofotga erishishida mamlakatimizda engil atletika rivoji uchun qulay shart-sharoitlar yaratilayotgani hamda mazkur sport turi bo‘yicha o‘tkazilayotgan musobaqalarning xizmati katta.

Iqtidorli atletlarni saralash maqsadida o‘tkazilgan respublika ochiq musobaqasidagi bahslar keskin va murosasiz tarzda o‘tdi.

Musobaqa g‘olib va sovrindorlari bilan tanishing:

 Sports.uz