Xese Rodriges "Fiorentina"ga o‘tishi mumkin

Frantsiyaning PSJ klubi hujumkor yarim himoyachisi Xese Rodriges faoliyatini Italiya A Seriyasida davom ettirishi mumkin.

Calciomercato nashri tarqatgan xabarga ko‘ra “Fiorentina” klubi futbolchi uchun parijliklarga 10 mln evro to‘lashga tayyor. Ta’kidlash kerakki “binafsharanglilar” ushbu qarorga “Borussiya D”dan Emre Morni sotib olisholmaganidan so‘ng kelishgan.

Eslatib o‘tamiz, Xese parijliklar safiga bundan bir yil muqaddam Madridning “Real” klubidan kelib qo‘shilgan edi. 24 yoshli ispaniyalik futbolchi o‘tgan mavsumni “Las-Palmas” klubida ijara asosida o‘tkazgan.