Ваньяма "Тоттенхэм"даги энг зўр футболчи кимлигини айтди

Лондоннинг “Тоттенхэм” клуби ярим ҳимоячиси Виктор Ваньяма Sky Sports’га берган интервьюсида жамоасидаги энг зўр футболчи кимлигини айтди.

“Тоттенхэм”нинг энг зўр футболчиси бу Мусса Дембеле. У ўйин пайтида ҳам, машғулотларда ҳам барчани осонгина ортда қолдиради. Сиз унинг нима қилмоқчи эканлигини биласиз, лекин тўпни олиб қўя олмайсиз. У кучли ва ажойиб техникага эга. Дембеле шунингдек жамоадаги энг ақлли футболчилардан бири ҳисобланади”, - дейди Ваньяма.