To‘lqin Qilichev: Birinchi uchrashuvdagi mag‘lubiyat bizni ertaga g‘alabaga undaydi
"Uzbek Tigers" - "China Dragons" uchrashuvi oldidan jamoamiz bosh murabbiyi To‘lqin Qilichev ertangi bahs haqida o‘z fikrlari bilan o‘rtoqlashdi.
- Sportda mag‘lubiyat va g‘alabalar yonma-yon yuradi, - dedi To‘lqin Qilichev. - Mag‘lubiyatsiz g‘alaba qozonib bo‘lmaydi va g‘alabasiz cho‘qqiga ko‘tarila olmaysiz. Bokschilarimiz safardagi uchrashuvda xitoyliklardan kichik hisobda mag‘lubiyatga uchradi. Bu mag‘lubiyatdan to‘g‘ri xulosa chiqardik.
Bokschilarimiz ertangi jangga har tomonlama puxta tayyorlandi. Nasib qilsa, "Uzbek Tigers" yana muxlislarini xursand qiladi va bokschilarimiz dunyoda etakchilardan ekanini isbotlaydi.
SPORTS.uz axborot portali "Uzbek Tigers" - "China Dragons" uchrashuvini matnli translyatsiya qiladi.
Fikrlar