Solari "Atletiko" ustidan qo‘lga kiritilgan g‘alabadan so‘ng o‘z fikrlarini bildirib o‘tdi

“Real” bosh murabbiyi Santyago Solari kecha “Atletiko”ga (3:1) qarshi Madrid derbisida qo‘lga kiritilgan g‘alabadan so‘ng o‘z fikrlarini bildirib o‘tdi.

“Atletiko”ni mag‘lubiyatga uchratishning yagona yo‘li – bir jamoa bo‘lish. Biz bugun barcha jabhada birdam bo‘ldik. Balkim bu bizning ikkinchi davradagi eng yaxshi o‘yinimiz bo‘lgandir. Futbolchilar har bir o‘yinda yurakdan borini berib harakat qilishmoqda. Men ham o‘zimni jamoaning bir qismi deb hisoblayman”, - deydi argentinalik mutaxassis.

Eslatib o‘tamiz, “Real” kechagi g‘alabadan so‘ng musobaqa jadvalida 2-o‘ringa ko‘tarilib oldi.