Sanjar Tursunov Rossiyada chorak finalga chiqdi

Rossiyaning Grozniy shahrida joylashgan "Olimpiyskiy" sport saroyida boks bo‘yicha Ahmad Xoji Qodirovning xotirasiga bag‘ishlangan xalqaro turnir o‘tkazilmoqda.

Mazkur musobaqada dunyoning o‘nga yaqin mamlakatidan kelgan, ellikdan ortiq charm qo‘lqop ustalari g‘oliblik uchun kuch sinashmoqdalar.

Ushbu turnirda mamlakatimiz sharafini himoya qilayotgan Sanjar Tursunov, Odil Aslonov, Bilolbek Mirzarahimov, Abror Qodirov, Xudoynazar Fayzov, Abdulxay Shorahmatov va Aliyor Noraliev o‘z vazn toifalarida ilk davradan muvaffaqiyatli o‘tib, chorak finalga chiqishdi.