Rio Ferdinand: "Yuventus" Ronaldu masalasida apellyatsiya berishi kerak

“Manchester Yunayted”ning afsonaviy himoyachisi Rio Ferdinand kecha Chempionlar ligasi guruh bosqichi ilk turidan o‘rin olgan “Valensiya” hamda “Yuventus” jamoalari o‘rtasidagi bahsni boshqarib borgan va turinliklar forvardi Krishtianu Ronalduni maydondan chetlatgan Feliks Brixni jiddiy tanqid ostiga oldi.

Sobiq futbol yulduzining so‘zlariga ko‘ra “keksa sinora” ushbu holat yuzasidan albatta shikoyat qilishlari kerak.

“Apellyatsiyaga berish kerak. Albatta!”, - deydi Ferdinand.

Eslatib o‘tamiz, bundan avvalroq 33 yoshli portugaliyalik futbolchining opasi ham ushbu holatga o‘z munosabatini bildirib o‘tgan edi.