Remsining "Yuventus" bilan shartnomasi shartlari ma’lum bo‘ldi

Aaron Remsi tez orada “Arsenal”ni tark etib, faoliyatini “Yuventus”da davom ettiradi.

Yaqinda Turin klubi rahbariyati “Yuventus”ning ushbu futbolchiga qiziqayotganligi haqida ma’lum qilgan edi. “Keksa sinora” bir mavsum uchun futbolchiga 6.5 mln evro miqdorida maosh berishga tayyor. Agar u 50% o‘yinlarda ishtirok etadigan bo‘lsa, yana 500 ming evro qo‘shiladi. Agar Remsi 70% o‘yinda qatnashsa, yana shuncha qo‘shiladi.

Shuningdek, “Yuventus” futbolchining transferini yanvarda rasmiylashtirmoqchi. Buning uchun turinliklar 5 mln evro to‘lashga tayyor.